Sunday, December 23, 2012

لحظات




أول ما تلاقي نفسك على شفا حفرة من الوقوع ..
أول ما تلاقي نفسك بدأت تفقد الأمل ..
أول ما تلاقي نفسك حاسس أنك مش مسيطر على عالمك ..
أول ما تلاقي نفسك حاسس بالعجز أمام واقعك اللى بتواجهه ..
اول ما تحس أن الفرص اللى قدامك بدأت تضيع واحدة ورا التانية ..
أول ما تحس أنه ما باليد حيلة .. و أنك فاقد القدرة على الإيمان ..
أول ما تحس أنك بتبعد عن ربنا اللى حاميك و اللى بيديك الأمل ..
أول ما تحس أنك بدأت تبقا معتمد فى حياتك على حاجات مالهاش معنى ممكن تكون انت مش مؤمن بيها و شايفها مضره ..
أول ما تحس أن الناس اللى حواليك بيبعدوا عنك مع أنهم موجودين قدامك ..
أول ما تتعالى أمام نفسك و تحس أن أنانيتك طغت على شعورك بأنك جزء من العالم ..
أول ما تحس أن صديق ليك نفسه يقولك حاجة بس مش عارف يقولهالك .. نفسه يقولك انك اتغيرت..
أول ما تلاقي نفسك مشغول أوى بنهاية عالمك .. لأنك حاسس أنك مش مسيطر ..

أعرف أنك فى خطر.
أعرف أن مخك مش هيسيبك كده و هيديك جرس انذار كبير لازم تفهمه عشان تعرف تكمل..
الطريق طويل و مايفعش أنك بالسهولة ديه تستسلم ..
أعرف أنك لما هتحتاج الناس اللى حواليك هتلاقيهم .. لما تدور عليهم ..
أعرف أن اللجوء الى الله مش كلام و بس.. ده بكل حتة فى جسمك و فى روحك..

فوق .. ماتسبش نفسك ، ماتستسلمش. لازم وقفة مع النفس أمام الاحباط..
نفسك و جسدك تقدر تخلي منهم صديق و عون و سند لروحك فى طريقك و ممكن يكونوا أكبر عدو ليك لو سبتهم ..
أقف .. و افهم .. و ركّز .. انت اكتر واحد فاهم نفسك .. و التغيير هيبتدى من عندك..

إتغير.
فوق.
و جاهد نفسك.

3 comments:

gina el-nazer said...

كنت محتاجة الكلام ده فعلا ... جت في وقتها

rafickassab said...

كم نحن فى امس الاحتياج لبارقة امل مهما كان خافت
اوضعييف ما أسوأ الياس .

luxusumzug said...

مشكوررررر .. موضوع ممتاز جدااا .
umzug wien
umzug wien
umzug-umzug
Wohnungsrämung

There was an error in this gadget